No ʻelima mau makahiki, lawe aku ʻo Kumu Kalei i kāna mau haumāna mai kāna papa ʻōlelo Hawaiʻi (makahiki ʻehā a me ʻelima) i Molokaʻi no ka wā Makahiki.

Ua hele ʻo Mele Ngalu mai ka papa 11, Kaʻimi Gilligand, Brissa Christophersen, Temoani Keahi, Leimakamae Kea, Kea Kuia-Fernandez, Crystal Hipolito, a me Kaiani Kiaha mai ka papa 12.

Eia nā hanana i pāʻani ʻia, ʻōʻō ʻihe, ʻUlu maika, Kōnane, Pā uma, Uma, Haka moa, Pōhaku hoʻoikaika, Hukikahi, Heihei wāwae, a me Kūkini.

“He wahi kūikawā ʻo Molokaʻi, piha me nā moʻolelo waiwai,” Kumu Kalei i ʻōlelo ai.

Keu a ka waiwai nā moʻolelo i pili me ke kau makahiki no ka mea hiki iā kākou ke keʻehi i hope i ka manawa i ola ai ko kākou mau kūpuna a pehea lākou i ola ai.

I hōʻea lākou ma Molokaʻi, ua loaʻa kekahi ʻaha hele honua hoʻokupu no ka ʻāina a me nā poʻe o Molokaʻi. Ma hope, welina aku ʻo Maui a me Molokaʻi kekahi i kekahi.

I ka pule ma mua o ko ka papa hele ʻana i Molokaʻi, ua hoʻomaʻamaʻa lākou i nā hahana like ʻole ko lākou huakaʻi hele. Hoʻomākaukau ʻia ko lākou lole kūpono a me nā hoʻokupu, hoʻomaʻamaʻa ʻia nā pāʻani, a hoʻopaʻa ʻia nā mele.

“Ua paʻakīkī nā mea hui pāʻani a pau akā ʻaʻole mākou i noʻonoʻo nunui i kēnā no a mea ua leʻaleʻa ka manawa ma laila,” i ʻōlelo ai ʻo Lilia Lorenzo.

Lanakila ʻo Crystal Hipolito no ka pāʻani lele pahū, a lanakila ʻo Kaʻimi me Kelia ma kekahi o nā pāʻani ma ko lāua māhele ʻAno Koa Kiʻekiʻe. Loaʻa iā Lili ke kūlana ʻelua no ke kūkini.

“Mai kēlā huakaʻi, aʻo au pehea e mahalo aku ko mākou ʻāina a nā mea i hāʻawi mai ai iā mākou,” Lilia Lorenzo i ʻōlelo ai.

ʻŌlelo pū ʻo ia, ʻoi aku ka nui ʻo Hawaiʻi nei ma mua o kekahi wahi no ka poʻe haole e huakaʻi a hele i ʻō a i ʻaneʻi. Nui ke kaona, nā moʻolelo, a no laila, pono kākou pākahi a pau e mālama i ia wahi, ʻaʻole hiki ke poina a i ʻole e nalowale ana ko kākou moʻomeheu.